Capital T ka disa fjalë për ata që dyshuan në suksesin e koncertit të tij

Reperi i njohur shqiptar, Capital T, ditë më parë ka mbajtur një koncerti gjigant në vendlindjen e tij, Prishtinë.

“Time Capsule II” erdhi pas dy vitesh organizimi në Tiranë, me pjesëmarrjen e shumë emrave të njohur të estradës në këtë koncert.

Megjithatë, jo të gjithë e kishin besimin se koncerti në fjalë do të realizohej në të njëjtat përmasa sikurse në Tiranë.

Reperi prishtinas publikoi në InstaStory së fundmi disa komente pesimiste që kishte marrë nga disa ndjekës në Shqipëri, të cilët ishin shprehur se Prishtina nuk do e kishte kapacitetin e Tiranës për ta realizuar këtë koncert.

“‘Time Capsule 1’ nuk përsëritet kurrë, Prishtina nuk e ka kapacitetin për të organizuar koncerte të përmasave të tilla, ai stadium nuk ka akustikë, nuk jep emocion. Tirana ka dy sheshe të mëdha për koncerte gjigante si dhe stadiumin dhe Pallatin e Kongreseve, në Tiranë po vijnë çdo vit nga ¾ yjet ndërkombëtarë duke bërë koncerte”, thuhej në komentin e ndjekësit.

Ndërkohë me të publikuar këtë koment, Kapo shkroi në mbishkrimin e postimit: “Besoni te vetja dhe mbani afër njerëz që besojnë në ju. Këto komente veç ruani kështu si unë me ua provu që janë gabim këto krijesa”.

Ndërkohë një ndjekëse tjetër kishte shkruar: “Nuk e ka Prishtina logjistikën dhe kapacitetin për të zhvilluar mega koncerte si në Tiranë, do jetë një dështim i paparë. Përshëndetje nga Sarnda”.

“Përshëndetje Sarnda”, shkroi Capital T në postimin e tij, duke lënë kështu të kuptohet se suksesi i koncertit ka qenë përgjigja më e mirë për komente të tilla.