Cana: Asociacioni i pranuar nga Kurti është gabim historik, do përdoret për qëllime të Serbisë

Ish-ambasadori i Kosovës në Bullgari, Edon Cana, ka thënë se Asociacioni i Komunave me Shumicë Serbe, i cili sipas tij është pranuar nga kryeministri, Albin Kurti, përbën elemente të autonomisë territoriale.

Ai në “Five”, tha se ai lloj Asociacioni do ta ngadalësoj zhvillimin ekonomik të Kosovës dhe do përdoret për qëllime të Serbisë.

“Asociacioni i nënshkruar nga Kurti, ka elemente të autonomisë territoriale, ka një kryeqytet. Do të përdoret për ta ngadalësuar zhvillimin ekonomik të Kosovës, mungesën e investimeve, si mjet destabilizues për qëllime të Serbisë”, tha ai.

Cana u shpreh se pranimi i Asociacionit është gabim historik i Kurtit.

“Ky është gabim historik i Kurtit, e ka tejkaluar një gjë që nuk është tejkaluar që  një dekadë që nuk do merremi vesh për asgjë nëse nuk merremi vesh për çdo gjë, me një njohje në qendër”, tha ai.