Albanian
Croatian
English
French
German
Serbian
Turkish
Gjykata Themelore në Prishtinë, Departamenti për Krime të Rënda ka caktuar masën e paraburgimit ndaj të pandehurëve B.Sh., M.B., V.B., Z.Sh. dhe M.B., për shkak të dyshimit të bazuar se në bashkëkryerje kanë kryer veprën penale Keqpërdorim i pozitës apo autoritetit zyrtar, shkruan Demos.
Sipas një njoftimi për media bëhet e ditur pas mbajtjes së seancës dëgjimore, gjyqtari i procedurës paraprake ka vlerësuar se caktimi i masës së paraburgimit në këtë çështje penale është masë adekuate në këtë fazë të procedurës, dhe se çdo masë tjetër do të ishte e pamjaftueshme për zbatimin e suksesshëm të procedurës penale, si dhe pengimin e përsëritjes së veprave penale.
Më tej në njoftim thuhet se gjykata po ashtu vlerësoj se nëse të pandehurit B.Sh., M.B., V.B., Z.Sh. dhe M.B lihen në liri, të njëjtit mund të ndikojnë edhe në prova duke fshehur dhe asgjësuar provat, si dhe duke ndikuar edhe në dëshmitarë.
“Kundër këtij aktgjykimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë”, thuhet në njoftim.