Buzhala ngre dyshimet se vrasja në Ferizaj ndërlidhet me një rast pedofilie

Mbrëmjen e sotme një vrasje e rëndë ka ndodhur në fshatin Bibaj të Ferizajt, shkruan GazetaDemos.

Një zyrtar policor ka qëlluar për vdekje një 89-vjeçar para një salle dasmash në këtë qytet.

Zyrtari policor raportohet se është Festim Ramadani, i cili sipas burimeve të Gazetës Demos kishte qëlluar rreth 5-6 herë në vendin e ngjarjes.

Në anën tjetër, viktima është Sadri Sadriu, i cili doli të jetë familjar i burrit të presidentes Vjosa Osmani, pra Prindon Sadriut.

Në lidhje me rastin ka reaguar edhe gazetari Berat Buzhala, ku i njëjti publikoi edhe disa informacione që sipas tij lidhen me ngjarjen.

Buzhala shkruan se një person i ka treguar një histori që i kishte ndodhur gruas së tij në Luginën e Preshevës, pasi e njëjta u dhunua nga një person, dhe kjo nuk ishte rasti i vetëm.

Tutje, ai ngre dyshime se ky rast lidhet me personin i cili u vra sot në Ferizaj, pasi ky i fundit ishte me prejardhje nga Presheva.

Postimi i plotë:

“Para dy viteve nje person qe jeton ne Perendim ma ka tregu nje rast te tmerrshem qe i ka ndodhe bashkeshortes se tij ne Lugine te Presheves.

Nje monstrum pedofil e kishte dhunu ate, dhe jo vetem ate, kur ajo i ka pase vec 10 vjet. Dikund ne mal. Pata komuniku edhe me viktimen.

Dhunuesi kishte dale me lidhje te fuqishme politike. Sido qe te jete kunder dhunuesit ka kallxim penal ne Serbi, te cilin e posedoj, por kurgjo nuk eshte ndermarre kunder tij.

Ka lidhje me zhvillimet e nates se sontshme”, shkroi ai në Facebook.