Bulliqi pret në zyrë Rrahmanin: Albioni ishte më meritori për kualifikimin e Ballkanit

Kryetari i Komunës së Podujevës, Shpejtim Bulliqi i është gëzuar suksesit të futbollistit llapjan, Albion Rrahmanit pas kualifikimit të KF Ballkanit në grupet e Konferencë Ligës.

Ai shprehu mbështetjen e tij për Rrahmanin edhe me një status mbrëmë.

Por, pos kësaj, Bulliqi sot e edhe e priti në zyren e tij Albion Rrahmanin.

Bulliqi ndër të tjera shkroi për takimin e tij me Rrahmanin:

“Albioni ishte protagonisti kryesor dhe më meritori i këtij kualifikimi të Ballkanit.

Albionit i urova për sukseset e arritura dhe i dëshirova edhe më tej suksese të reja në gara ndërkombëtare.”