Buja takon gratë e Kraishtës, premton mbështetje konkrete për fuqizimin e tyre

Kandidati i Partisë Demokratike të Kosovës për kryetar të Komunës së Lipjanit, Shukri Buja së bashku me Valbonën, kandidaten për Kuvendin Komunal, zhvilluan një takim me gratë e fshatit Kraishtë, me të cilat bashkëbiseduan rreth projektit politik të PDK-së për zhvillimin e komunës.

Gjatë këtij takimi u vendos theksi në politikat që synojnë fuqizimin socio-ekonomik të grave, përkrahjen për bizneset e vogla e të mesme që drejtohen nga gratë, si dhe rritjen e përfaqësimit të tyre në pozita vendimmarrëse.

I plotë:

Së bashku me Valbonën, kandidaten për Kuvendin Komunal, takuam gratë e Kraishtës me të cilat bashkëbiseduam për projektin tonë politik për Lipjanin. 

Me theks të veçantë folëm për politikat që synojnë fuqizimin socio-ekonomik të grave dhe rritjen e rolit të tyre në vendimmarrje e qeverisje.

Gratë e Kraishtës na dhanë një energji të jashtëzakonshme dhe një motiv shtesë për të vazhduar rrugëtimin tonë. U zotuam se në mandatin tonë, gratë do të kenë hapësira reale për punësim, mbështetje për bizneset e tyre, si dhe përfaqësim të barabartë në institucionet vendimmarrëse.