Blinken në Turqi për të diskutuar me Erdoganin për luftën në Gaza

Diplomati më i lartë i Uashingtonit do të diskutojë mbi luftën nw Gaza me presidentin e Turqisë të shtunën, Recep Tayyip Erdogan, raporton Agence France-Presse.

Sekretari amerikan i shtetit, Antony Blinken, mbërriti në Stamboll të premten vonë për pjesën e parë të një udhëtimi që përfshin vizita në Izrael dhe Bregun Perëndimor, së bashku me pesë shtete arabe.

Turneu i katërt i krizës i Blinken që nga fillimi i luftës Izrael-Hamas tre muaj më parë vjen me frikën në rritje se konflikti do të përfshijë pjesë tw tjera të Lindjes së Mesme.

Stambolli shërbeu si bazë për udhëheqësit politikë të Hamasit derisa luftëtarët e Hamasit sulmuan Izraelin më 7 tetor, duke shkaktuar luftë. Turqia u kërkoi krerëve të Hamasit të largoheshin pasi disa u kapën në video duke festuar sulmin.

Por presidenti turk që atëherë është kthyer në një nga kritikët më të ashpër nga bota myslimane pwr shkallwn e vdekjes dhe shkatërrimit në Gaza – dhe të mbështetjes së Uashingtonit për Izraelin.

Erdogan ka krahasuar kryeministrin izraelit, Benjamin Netanyahu, me Adolf Hitlerin dhe ka akuzuar SHBA-në për sponsorizimin e “gjenocidit” të palestinezëve. Ai gjithashtu ka kundërshtuar presionin e SHBA-së për të ndërprerë fluksin e dyshuar të financimit përmes Turqisë për Hamasin dhe ka mbrojtur grupin si “çlirimtarë” të zgjedhur në mënyrë legjitime që luftojnë për tokën e tyre.

Departamenti Amerikan i Shtetit njoftoi të premten një shpërblim prej 10 milionë dollarësh për informacionin në lidhje me pesë operativë të huaj të dyshuar të Hamasit – tre prej tyre besohet se janë me bazë në Turqi – që mendohet se po ndihmojnë financimin e grupit të mbështetur nga Irani.

Turqia këtë javë u kundërpërgjigj duke arrestuar 34 persona të dyshuar për planifikimin e sulmeve kundër palestinezëve dhe spiunimin për agjencinë e inteligjencës izraelite Mossad.

Mw pas, Blinken do të udhëtojë në ishullin grek të Kretës të shtunën në mbrëmje për bisedime me kryeministrin, Kyriakos Mitsotakis, për të trajtuar shqetësimet greke rreth shitjes së afërt të avionëve luftarakë amerikanë F-16 në Turqi, raporton The Guardian