Blakaj merr mbështetje edhe në Istog të Poshtëm: Besimi i qytetarëve po e forcojnë edhe më shumë rrugëtimin tonë

Kandidati i AAK-së për deputet në Kuvend, Ukë Blakaj i cili garon me numër 37, po vazhdon punën në terren në kuadër të fushatës zgjedhore, nga ku po merr përkrahje të madhe, raporton GazetaDemos.

Gjatë ditës së djeshme, patën një tubim zgjedhor në Istog të Poshtëm nga ku Blakaj tha se po gjejnë mbështetje të madhe.

“Aleanca po gjen mbështetje në çdo vend. Sonte, në tubimin zgjedhor në Istog të Poshtëm, bashkëbiseduam me qytetarët për programin dhe vizionin e Aleancës për Kosovën. Përkushtimi dhe besimi i qytetarëve po e forcojnë edhe më shumë rrugëtimin tonë drejt suksesit më 9 shkurt”, tha Blakaj.