Bislimi takohet me Beauregard, flasin për integrimin evropian të Kosovës

Zëvendëskryeministri Besnik Bislimi, është takuar me zëvendës drejtoren për Ballkan dhe Evropë në ministrinë për Evropë dhe Punë të Jashtme të Francës, Marguerite Costa de Beauregard.

Bëhet e ditur se gjatë takimit u fol rreth fuqizimit të marrëdhënieve mes Kosovës dhe Francës, bashkëpunimit dypalësh e veçanërisht në fushën e ekonomisë dhe infrastrukturës.

“U trajtua dhe rrugëtimi në procesin e integrimit evropian të Kosovës si prioritet i yni, gjersa sot presim dhe dorëzimin e Raportit për Vendin”, thuhet në njoftim.

Më tej, bëhet e ditur se Bislimi theksoi nevojën për heqjen e masave ndëshkuese ndaj Kosovës, të cilat sipas tij, vijojnë të jenë të padrejta e të qëndrojnë në fuqi edhe pas konstatimit të Borrellit, i cili në raportin e tij ka rekomanduar heqjen e masave.