Bislimi pret në takim ambasadorin e Finlandës në Kosovë

Zëvendëskryeministri i Republikës së Kosovës, Besnik Bislimi, ka pritur në takim Ambasadorin e Finlandës në Kosovë, Matti Nissinen.

Në këtë takim u fol kryesisht rreth integrimit evropian të Kosovës.

Gjithashtu u diskutua edhe rreth zhvillimeve të fundit në vend.

Si përfundim Bislimi falënderoi ambasadorin Nissinen për partneritetin dhe bashkëpunimin e Finlandës.

Njoftimi i plotë:

Zëvendëskryeministri Bislimi priti në takim ambasadorin e Finlandës në Kosovë, Matti Nissinen

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim Ambasadorin e Finlandës në Kosovë, Matti Nissinen.

Në takim, u bisedua mbi rrugëtimin drejt integrimit evropian të Kosovës. Zëvendëskryeministri Bislimi shprehu vlerësimin e tij të lartë për mbështetjen e vazhdueshme të Finlandës ndaj perspektivës evropiane të Kosovës.

U theksua se Republika e Kosovës mbetet e përkushtuar në procesin e integrimit evropian dhe përmbushjen e reformave.

Më tej, u diskutua edhe rreth zhvillimeve të fundit në vend e çështjeve të aktualitetit. Zëvendëskryeministri Bislimi e falënderoi ambasadorin Nissinen për partneritetin dhe bashkëpunimin e ngushtë mes dy shteteve tona.