Bie nga Kalaja e Rozafës, vdes turisti slloven

Një turist slloven ka humbur jetën aksidentalisht në Shkodër.

Policia tha se ngjarja ndodhi rreth orës 19:00, ku shtetasi slloven Slatko Pasaliq, 65 vjeç, banues në Slloveni, dyshohet se është rrëzuar aksidentalisht, teksa ishte duke vizituar kalanë e Rozafës.

65-vjeçari është dërguar menjëherë në spital, por për shkak të dëmtimeve të marra në kokë, ka humbur jetën, raporton Euronews.al.

Grupi hetimor, në drejtimin e Prokurorisë, vijon punën për sqarimin dhe për dokumentimin e plotë të rrethanave të kësaj ngjarjeje aksidentale.