Biden takohet me presidentin e Indonezisë përpara samitit me kreun e Kinës

Udhëheqësit e Shteteve të Bashkuara dhe Indonezisë ishin në diskutime të hënën që të krijojnë terrenin për takimin e parë personal të presidentit të ShBA-së, Joe Biden, me udhëheqësin kinez Xi Jinping.

Biden takoi presidentin indonezian Joko Widodo në Shtëpinë e Bardhë ndërsa të dy udhëheqësit përgatiten për një samit të Bashkëpunimit Ekonomik Azi-Paqësor (APEC) në San Francisko, ku Uashingtoni shpreson të reduktojë mospajtimet me Pekinin. Biden do të takohet me Xi të mërkurën.

Biden dhe Widodo pritet të bien dakord për një bashkëpunim të ri në fushat e mbrojtjes, duke përfshirë sigurinë kibernetike, stërvitjet e kombinuara dhe kërcënimet bërthamore, sipas një zyrtari të lartë të administratës Biden, i cili nuk pranoi të identifikohej.

Për klimën, Shtetet e Bashkuara do të shpalosin hapat me vendin e Azisë Juglindore për kapjen dhe ruajtjen e karbonit, mbështetjen e rrjetit elektrik dhe përmirësimin e cilësisë së ajrit, shkruan Reuters