Beshiktashi konfirmon lëndimin e Rashicës

Reprezentuesi i Kosovës, Milot Rashica pritet t’i mungoj skuadrës së Beshiktashit të paktën në tri ndeshjet e ardhshme.

Klubi turk, të enjten ka konfirmuar lëndimin e Rashicës në muskulin e kofshës dhe sulmuesi i krahut pritet të pauzoj të paktën për dy javë.

Rashica u lëndua në ndeshjen Kosova – Qipro të luajtur të martën mbrëma në Prishtinë në kuadër të Ligës së Kombeve dhe u detyrua të largohet nga fusha në minutën e 16-të.

Shkaku i këtij lëndimi, Rashica do t’i mungoj Beshiktashit për ndeshjen e së dielës kundër Konyasporit, ndërsa është në dyshim edhe për duelet e javës së ardhshme, me Lyonin në Ligën e Kampionëve dhe derbin e Superligës turke ndaj Galatasarayt.