Bernabeu, teatër i lojës së Barcelonës

Loja individuale e yjeve si Vinicius Junior dhe Kylian Mbappe nuk i ka kryer punë Real Madridit karshi punës ekipore të Barcelonës e cila Bernabeun të shtunën mbrëma e shndërroi në teatër të lojës së saj të bukur.

Me fitoren e madhe 4 me 0, Barcelona zgjeron distancën me Realin në pozitën e parë në tabelën e La Ligas.

Në këtë takim shkëlqeu Robert Lewandowski që realizoi dy gola për dy minuta në pjesën e parë.

Në listën e golashënuesve u shkruan edhe Lamine Yamal dhe Raphinha që u përkujdesën për fundosjen e Realit.

Barça tani ka 30 pikë në pozitën e parë, teksa Reali 24 pikë.