Berisha e Maqedonci përplasen në Komision për Dejona ”Mihajllin”: Kom mendu që të ka mbetë, një grimë UÇK (VIDEO)

Ministri i Mbrojtjes, Ejup Maqedonci ka raportuar në Komisionin parlamentar për Siguri.

Ai tregoi se raporti, të cilin tha se do ta prezantojë para deputetëve anëtarë të këtij komisioni “përmban aktivitetet kryesore në fushën e mbrojtjes dhe sigurisë për periudhën janar-dhjetor 2023”.

Gjatë këtij komisioni, deputeti Bekë Berisha është përplasur me ministrin Maqedonci për Dejona Mihalin.

Ai dëgjohet duke i thënë Maqedoncit ”O mos hin ma fell bre, s’ki nevojë me përmend mo hiq”.

Tutje Berisha i ka thënë se Mihali ”nuk është qytetare e Republikës së Kosovës” kështu duke theksuar se emri i saj është Dejona Mihajlli.

Gjithashtu ai i ka kërkuar të mos takohet me të që sipas tij kjo është shumë e rëndësishme.

”Ti je ministër, ti nuk je deputet, as s’je argat, as s’ki nevojë me shku me i raportu, ti raporton qitu te deputetët jo te ajo”.

Megjithatë, Maqedonci ka replikuar Berishës duke i thënë se realizon takime edhe me të tjerë dhe se nuk realizon takime për t’i raportuar dikujt.

”Unë i raportoj Komisionit Parlamentar, i raportoj kryeministrit të vendit, normalisht nuk konsideroj që është e ndaluar të takohet njeriu, pavarësisht pozitës me njerëz që jetojnë në këtë vend”, u shpreh Maqedonci.

”Ministër kom mendu që të ka mbetë, naj grimë UÇK”, ka replikuar tutje Berisha.

VIDEO:

@gazetademos #bekeberisha #ejupmaqedonci #dejonamihali #uçk #deputet #minister #kuvendikosoves #gazetademos ♬ original sound – GazetaDemos