Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Beogradi e ‘aktivizon’ sërish UNMIK-un

    01/07/2025 17:57
    Share
    Facebook Twitter WhatsApp

    Beogradi e ka ‘ngjallur’ UNMIK-un me anë të një letre zyrtare që i kërkon të ndërmarrë të gjitha masat për t’iu dalë në ndihmë serbëve ndaj të cilëve janë ngritur aktakuza.

    Siç përcjellin mediumet në serbishte, pala serbe i ka përkujtuar Misionit të Kombeve të Bashkuara në Kosovë se ka pasur një Memorandum Mirëkuptimi me Interpolin.

    Kërkesa e Beogradit është që UNMIK-u të marrë të gjitha masat e nevojshme për të sigurur që të pezullohen të gjitha hetimet, seancat dëgjimore, aktakuzat apo arrestimet në lidhje me protestat dhe barrikadat e vëna gjatë 2022-s.

    Nga UNMIK-u, sipas letrës në fjalë, është kërkuar që gjendjen në terren ta vë në përputhje me sigurimet që kanë dhënë institucionet e Kosovës ndaj BE-së dhe ShBA-ve më 2022 për sa i përket mosndjekjes së individëve në protestat dhe barrikadat në veri.

    Beogradi, me këtë rast, është referuar te Deklarata e Përbashkët në emër të BE-së dhe ShBA-ve, më 28 dhjetor 2022, në të cilën thuhet se “mirëpriten siguritë e dhëna nga udhëheqja e Kosovës ku konfirmohet se nuk ka lista për arrestimin a përndjekjen e qytetarëve serbë nga Kosova për pjesëmarrje në protesta/barrikada paqësore.”

    Në letrën dërguar UNMIK-ut është theksuar se cilado përpjekje për të lëshuar urdhërarreste, përmes sistemit të Interpolit, do të ishte cenim i disa prej neneve të Kushtetutës së kësaj organizate.

    Ndryshe, Gjykata Themelore në Prishtinë, siç njoftoi më 18 qershor, ka miratuar kërkesën e Zyrës së Prokurorisë Speciale për të lëshuar urdhërarreste ndërkombëtare për 11 serbë si pjesë e veprimeve hetimore për rastin e ngritjes së barrikadave në katër komunat veriore më 2022.

    Pavarësisht se Kosova e shpalli pavarësinë me 2008, Misioni i OKB-së vazhdon të qëndrojë në vendin tonë.

    Ndonëse tani ka vetëm 374 punonjës, kryesisht staf civil, UNMIK-u mbetet adresa e preferuar e Beogradit për të bërë trysni ndaj Kosovës e për të trashur dosjen kundër saj veçmas në raportimet në Këshillin e Sigurimit.

    Në mbledhjen e fundit, përfaqësuesi diplomatik i ShBA-ve, John Kelley ka kërkuar që ky mision të largohet sa më parë nga Kosova.

    “Mision paqeruajtës pa paqeruajtës” dhe “mision që harxhon buxhet vetëm për pagat e punonjësve të vet”, e kishte quajtur ai.

    Brenda këtij misioni që thirret në Rezolutën 1244 ka pasur raste kur kanë vepruar edhe zyrtarë të inteligjencës ushtarake ruse (GRU).

    Vetëm nga 1 janari 2015 deri më 31 maj 2016, sipas vetë OKB-së, UNMIK-u është përfshirë në 83 raste të shkeljes së të drejtave të njeriut në Kosovë.

    Artikuj të ngjashëm

    Cilat ishin tri qëndrimet e aleatëve të Kosovës gjatë raportit të UNMIK-ut

    UNMIK-u e dënon sulmin terrorist në Zubin Potok

    Serbia e vazhdon ‘lojën’ me çështjen e të pagjeturve, kërkon që Kosova të përfaqësohet nga UNMIK-u

    Të Fundit

    Nipi e kujton Bahri Fazliun: Heronjtë vetëm ditëlindje kanë, ra për të mos vdekur kurrë

    Arratisen dy persona nga Kampi i Azilantëve në Vranidoll

    Arrestohet në Budapest 45-vjeçari shqiptar i dënuar me 5 vjet burgim

    10 persona asfiksohen nga zjarri në Shtime, tre dërgohen në emergjencë

    Një i arrestuar për fajde në Prishtinë, dyshohet se detyroi disa persona të paguajnë shuma të ndryshme parash si interes

    Gazeta Demos është medium i pavarur informativ, që ka për qëllim informimin e shpejtë dhe të paanshëm, portal që synon të plasojë të dhëna objektive për audiencën e gjerë, duke pasur për kryefjalë lajmin si kategori kryesore. Gazeta Demos ka për mision që të përçojë te lexuesi informatat më të reja të zhvillimeve të fundit brenda dhe jashtë vendit, me etikë profesionale dhe me qasje pasionale. Gazeta Demos funksionon edhe si medium intermedial, e cila në tregun medial po hyn, jo përmes politikave redaksionale ditore, por atyre konstante nacionale, duke e kultivuar edhe shijen e lexuesit. Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2025

    Type above and press Enter to search. Press Esc to cancel.