Bekë Berisha merr mbështetje të fuqishme për balotazh, Dreshaj dhe Blakaj i bashkohen atij

Lideri i AAK-së, Ramush Haradinaj ka qëndruar sot në Istog për t’i dhënë mbështetje kandidatit për kryetar, Bekë Berishës, i cili në balotazhin e 14 nëntorit do të ballafaqohet me Ilir Feratin e LDK-së.

Në fotografitë e postuar nga Haradinaj, ai shkruan se për takimin që pati me Gani Dreshajn, ish deputet dhe ish kandidat i AAK-së në Istog në vitin 2017.

Po ashtu aty shihet edhe Idriz Blakaj, i cili më 17 tetor kandidoi si i pavarur.

“Me kolegët e miqt e mi Bekë Berisha, Gani Dreshaj e Idriz Blakaj. Istogu i mobilizuar për ndryshim!”, ka shkruar Haradinaj.

Edhe pse nuk e ka thënë qartë, shihet se Bekë Berisha në balotazh do ta ketë mbështetjen e Dreshajt dhe Blakajt, dy personaliteteve të rëndësishme dhe të fuqishme në Istog.