Betohet kryetari i ri i Zubin Potokut: Do ta zbatojmë ligjin dhe do të punojmë në interes të të gjithë qytetarëve

Kryetari i ri  i Zubin Potokut, Izmir Zeqiri, ka dhënë betimin si kryetar i ri i kësaj komune.

Zeqiri tha se detyrën e tij do ta kryej me përkushtim dhe se do të punojë për të gjithë qytetarët pa dallim, shkruan Gazeta Online Reporteri.net.

“Uroj që të jemi bashkë në punët dhe përgjegjësit tona, të jemi sa më të fokusuar që të zbatojmë ligjin e Republikës së Kosovës në tërë territorin e komunës së Zubin Potokut. Faleminderit për besimin. Atë do të ua kthejmë me punë deri në fund”, tha ndër të tjera ai.

Betimin sot do ta bëjë  edhe kryetari i Zveqanit e ai i Leposaviqit.