Ballkani falënderon “Xhebrailat” për atmosferën e krijuar ndaj Ludogorets

Skuadra e Ballkanit arriti fitore të madhe si vendas ndaj Ludogorets në ndeshjen e parë të fazës para-kualifikim në Ligën e Kampionëve për sezonin 2023/24.

Përmes një postimi në rrjetet sociale, klubi nga Suhareka ka bërë një falënderim për tifozët e pranishëm në stadiumin “Fadil Vokrri”.

“Klubi dëshiron të ju falënderojë secilin prej jush, që mbrëmë i keni dhënë zemër lojtarëve tanë, të cilët me mbështetjen tuaj të vazhdueshme gjatë 90 minutave, shfaqen një futboll të bukur rezultativ”, shkruhet në postimin e klubit kosovar.

Sot një javë është ndeshja e kthimit, e cila zhvillohet në Bullgari në stadiumin “Huvepharma Arena”, që ka kapacitet më shumë se 10 mijë ulëse.