Bajrami: S’habitem që LVV po vazhdon me të njëjtin avaz edhe pas vendimit të Kushtetueses

Deputetja e Lidhjes Demokratike të Kosovës, Hykmete Bajrami, ka folur për seancën që mbahet sot të Kuvendit të Kosovës, duke akuzuar Lëvizjen Vetëvendosje për dështimin e konstituimit të Kuvendit të Kosovës.

Për këto dështime ajo ka cituar Albert Ajnshtatajnin që supozohet se ka një përkufizim për çmendurinë.

“Nga data 1 maj deri më sot, plot 31 herë ka dështuar formimi/votimi i Komisionit për votimin e fshehtë të kryetarit të Kuvendit. Për habinë e disave, por jo timen, LVV vazhdon me të njëjtin avaz edhe pas vendimit të Gjykatës Kushtetuese. Sot pritet të jetë dështimi i 32-të. P.S. Këtë situatë e përshkruan më së miri përkufizimi i Albert Ajnshtajnit për çmendurinë”, tha Bajrami.