Bajqinovci rendit “sukseset” e Qeverisë Kurti: Kosova po përparon me hapa të mëdhenj

Deputeti i VV-së, Mefail Bajqinovci ka renditur ato që ai i ka cilësuar si suksese të Qeverisë Kurti, në këto tri vite.

Bajqinovci ka përmendur mbështetjen për qytetarë e biznese, e siç ka thënë ai janë shpërndarë rreth 1.2 miliardë euro tek bizneset dhe qytetarët.

Kjo thotë ai ka ndodhur përmes masave të ndryshme, pa krijuar borxhe të reja. Bajqinovci ka përmendur edhe qeveritë e kaluara, duke thënë se borxhi për mallra dhe shërbime nga qeveritë e kaluara, i cili në vitin 2020 ishte 140 milionë euro, sot është ulur në vetëm 33 milionë.

“Kosova po përparon me hapa të mëdhenj…”, ka shkruar ai ndër të tjera në fund të postimit.

Postimi i plotë:

Në këto tri vite e gjysmë qeverisje të kryeminstrit Kurti, kemi rishpërndarë rreth 1.2 miliardë euro te qytetarët dhe bizneset përmes masave të ndryshme, pa krijuar borxhe të reja. Borxhi për mallra dhe shërbime nga qeveritë e kaluara, i cili në vitin 2020 ishte 140 milionë euro, sot është ulur në vetëm 33 milionë.

Kemi dyfishuar investimet e huaja direkte dhe eksportet, duke përmirësuar raportin eksport-import nga 1:9 në 1:6.
– Çdo vit, mbi 30 mijë fermerë përfitojnë nga mbështetja jonë.
– Mbi 100 asete të trashëgimisë kulturore janë restauruar.
– Subvencionimi i mbi 30 mijë familjeve e bizneseve për blerjen e pajisjeve efiçiente.
-Gjatë dimrit 2023-2024, mbi 208 mijë familje kursimtare kanë përfituar nga subvencionimi i faturave të energjisë
Për dallim nga viti 2019, sot buxheti për shëndetësi është ngritur për mbi 100 milionë euro. Në vitin 2019, ishte 233 milionë euro.
-Për vitin 2024, buxheti është 345,626,600.00 milionë euro pa llogaritur këtu kreditë dhe donacionet.
-60 milionë euro (nga 24 milionë euro sa ishte para ardhjes sonë në qeveri) për listën e re të barnave esenciale dhe 6.5 milionë euro më shumë për barna për sëmundje të rralla.
– Mbi 10,200 bursa për student, prej tyre, mbi 5,170 Bursa Elitare
– Mbi 4880 bursa për studentë në fushat STEM -shumica dërmuese prej tyre për vajza/gra
– Mbi 80 bursa për studentë nga radhët e komuniteteve jo shumicë. Mbi 70 tjera për studentë me nevoja të veçanta. Dhe rreth 80 bursa për studentë të dalluar për studime jashtë vendit

Kosova po përparon me hapa të mëdhenj dhe është e gatshme të mirëpresë Lojërat Mesdhetare në vitin 2030!