Bahtiri: Xhamia e Ibrit po rindërtohet në vendin ku e njohu historia për 3 shekuj me radhë

Këtë të mërkurë ne medie u raportua për nisjen e punimeve në rindërtimin e Xhamisë së Ibrit.

Lidhur me këtë reagoi ish-kryetari i Mitrovicës Agim Bahtiri i cili shkroi se xhamia po rindërtohet në vendin ku e njohu historia për 3 shekuj me radhë.

“Xhamia e Ibrit po rindërtohet në vendin ku e njohu historia për 3 shekuj me radhë”, deklaroi Bahtiri.

Se nisja e punimeve të xhamisë ka filluar e mohoi kryetari i Bashkësisë Islame në Mitrovicë, Ekrem Avdiu.

Në një prononcim për Gazetën Demos, Avdiu ka thënë se po e presin hapjen e urës, në mënyrë që të fillojnë me ndërtimin e xhamisë.

“S’ka hala gjasa me fillu, më së pari duhet që ura të hapet e më pas të normalizohet qarkullimi e tek me pas me i bë përgatitjet pë xhami”, theksoi Avdiu për Demos.