Bad News Eagles do të përballen me ekipin forZe në turneun CCT Online Finals

Sot (e premte) ekipi shqiptar Bad News Eagles do të përballen me ekipin forZe në çerekfinale të ‘Upper Bracket’ në turneun e CS:GO – CCT Online Finals.

Kjo ndeshje do të zhvillohet duke filluar nga ora 17:30 në formatin ‘Bo3’.

Favorit të ndeshjes janë ekipi shqiptar, të cilët edhe renditen më lart në ranglistën botërore të CS:GO se sa ekipi kundërshtar.

Në turneun CCT Online Finals janë duke garuar 16 skuadra, për një grup çmimesh prej 200.000 dollarësh.

Ndeshjen e parë Bad News Eagles e zhvilluan ndaj ekipit ex-Copenhagen Flames, të cilën e fituan me rezultat të përgjithshëm 2-1 me mapa.

Nëse ekipi shqiptar dalin fitues edhe në ndeshjen ndaj forZe, do të përballen me fituesin nga ndeshja NIP – Into the Breach, në gjysmëfinale të ‘Upper Bracket’.