Albanian
Croatian
English
French
German
Serbian
Turkish
Nënkryetari i Listës Guxo, njëherësh deputeti i Grupit Parlamentar të Lëvizjes Vetëvendosje, e ka komplimentuar presidenten Vjosa Osmani, sa i përket shpenzimeve të buxhetit të shtetit në çështje të caktuara.
Ai, bëri një krahasim të shefes së shtetit me paraardhësin e saj, Hashim Thaçi, i cili gjendet në Hagë, nën akuzat për krime lufte.
Megjithatë, në fotografinë që e ka publikuar Avdyli në llogarinë e tij në Facebook, shihet se Thaçi kishte harxhuar nga kuleta e shtetit mbi 460 mijë euro, që nga viti i 2016 e deri më 5 nëntor të 2020-s, kur dha dorëheqje nga pozita e presidentit.
Ndërkohë, bazuar po në të njëjtën fotografi të publikuar nga ligjvënësi i pushtetit, në anën tjetër, shihet se komandantja supreme e FSK-së ka harxhuar veç njëmijë e 478 euro për 11 muaj.
“Ja si duket përgjegjësia për paranë publike. Kur numrat flasin, fjalët janë të tepërta”, shkroi deputeti nga Prizreni.