AUV njofton mbylljen e një biznesi i cili ilegalisht trajtoi nënprodukte shtazore

Agjencia e Ushqimit dhe Veterinarisë ka njoftuar se kanë mbyllur përkohësisht një biznes i cili bëntë përpunimin e nënprodukteve të kafshëve të therura, pasi i njëjti po operonte pa licencë, shkruan GazetaDemos.

Sipas njoftimit në Facebook të AUV-it, nuk ishte vetëm mungesa e dokumentacionit, por as hapësirat nuk posedonin kushtet teknike sanitare për të ushtruar veprimtarinë.

Lokacioni do të mbahet i mbikqyrur nga organet shtëtërore dhe ndaj operatorit do të inicohet procedura për gjykatë.

Njoftimi i plotë:

AUV mbyll një operator ilegal qe merrej me trajtimin e nënprodukteve shtazore

Agjencia e Ushqimit dhe Veterinarisë pas raportimit nga një qytetar, ka gjetur një biznes i cili ishte duke operuar ilegalisht pa licencë, merrej me trajtimin- përpunimin e nënprodukteve të kafshëve të therura. Përveç mungesës se dokumentacionit, hapësirat nuk posedonin kushtet teknike sanitare, minimale për të ushtruar veprimtarinë. Ekipi inspektues menjëherë ka urdhëruar largimin, tërheqjen e mbetjeve të nënprodukteve shtazore, për të penguar çfarëdo rreziku qe mund të shkaktohet nga ndotja. Po ashtu ka bërë mbylljen e subjektit. Lokacioni do të mbahet i mbikëqyrur nga organet shtetërore dhe njëkohësisht ndaj operatorit do të iniciohet procedura për gjykatë.

Çdo operatorë ekonomik i cili nuk përmbush kriteret ligjore për të ushtruar llojin dhe natyrën e veprimtarisë ekonomike. Përveç se bie ndesh me ligjin ai njëkohësisht mund ta rrezikojë shëndetin publikë. Menjëherë pas masave ekzekutive të mbylljes,  Do të përballet edhe me masat vijuese të ndjekjes përmes organeve të drejtësisë. AUV falënderon raportuesin dhe bënë thirrje edhe për të tjerët qe të raportojnë kurdo qe shohin veprime qe rrezikojnë shëndetin publikë dhe ambientin. Rasti i është trajtuar nga Inspektorët veterinarë zyra regjionale e AUV-së Prizren, sasi e produkteve të ndaluar- larguara është rreth 500 kg.