Autobusi në kahen e kundërt, policia e gjen dhe e dënon

Policia e Kosovës ka identifikuar ngasësin e një autobusi që ka lëvizur në kahen e kundërt.

Shkaku i shkeljes së rregullave të trafikut, duke rrezikuar veten dhe të tjerët, policia në Prishtinë e ka dënuar shoferin e këtij autobusi.

Ndaj kundërvajtësit është shqiptuar gjoba sipas dispozitave të trafikut rrugor dhe është plotësuar fletëparaqitja përkatëse.

“Policia falënderon qytetarët për bashkëpunimin dhe kujton se sjelljet e tilla nuk tolerohen dhe do të trajtohen me seriozitet për të garantuar sigurinë në rrugë për të gjithë pjesëmarrësit”, thuhej në një njoftim të PK-së.