Auron Deva debuton me këngën “Opera”, artisti nga Gjakova vjen me paraqitje unike në muzikë

I riu nga Gjakova, Auron Deva, i cili prej shumë vitesh ka pasion muzikën, tashmë ka debutuar në tregun muzikor me këngën e tij ta parë e cila titullohet “Opera”, shkruan GazetaDemos.

Teksti dhe muzika e këngës janë bërë nga vetë ai, ndërkaq producent i kësaj kënge është Lis Boshtrakaj.

Pavarësisht këngëve komerciale që i dëgjojmë jo rrallë në tregun e muzikës shqiptare, Deva është munduar t’i qëndrojë besnik stilit të tij dhe muzikës që ai e pëlqen.

Interpretimi i këngës, shfaq vokalin unik të Auron Devës, ku në shumë pjesë të këngës mund të vërehet lehtësisht talenti i tij.

“Opera” është realizuar edhe me klip, i cili është udhëhequr nga Pëllumb Rraci.

Ndryshe, artisti nga Gjakova edhe pse i ri në moshë pasionin për muzikën po e kultivon tash e disa vite, përmes cover-ave të ndryshëm të këngëve të njohura, e poashtu përmes paraqitjeve në koncerte e festivale, ku disa herë është shpërblyer edhe me çmimin e parë.

Më poshtë mund të gjeni edhe disa nga këngët e njohura që ai ka interpretuar.