Asistenti AI i Opera vjen në iOS

Opera njoftoi ditën e Mërkure se asistenti Aria AI ka mbërritur në iOS. Funksionaliteti i lançuar në desktop në Qershor dhe vjen nga një partneritet me krijuesin e ChatGPT, OpenAI.

Opera thotë se Aria, tashmë e disponueshme në të gjitha platformat madhore desktop dhe mobile, ka arritur mbi 1 milionë përdorues në desktop dhe Android.

Njëlloj si Bing Copilot i Microsoft dhe Search Generative Experience i Google, Aria mund tu përgjigjet pyetjeve dhe kontekstit të uebfaqeve të hapura.

Asistenti përdor GPT API të OpenAI duke shfrytëzuar arkitekturën Composer të Opera për rezultate në kohë reale nga interneti.

Për të përdorur robotin AI nevojitet një llogari në Opera po askush nuk do të regjistrohet automatikisht. Janë përdoruesit ata që zgjedhin dhe sapo aktivizohet, Aria ofron informacione, ide inovative dhe komanda zanore.

Përveç robotit AI, Opera për iOS tashmë përmban edhe një bllokues reklamash si dhe mbështet Apple Intelligent Tracking Prevention. Shfletuesi ka edhe një VPN të integruar që përdoret falas.

Aplikacioni i përditësuar me AI është i disponueshëm nga dita e sotme në 180 vende të botës