Arsenali e bën goditjen e madhe, e transferon Jorginhon

Arsenali i ka siguruar shërbimet e Jorginhos në ditën e fundit të afatit kalimtar të janarit.

Mediat angleze raportojnë se “Topçinjtë” do t’ia paguajnë Chelseat 12 milionë funte (rreth 15 milionë euro) për mesfushorin kualitativ.

31 vjeçari pritet t’ju bashkohet “Gunners” sot pasi lideri i Premierligës u frikësua se mund të dështonte në momentet e fundit në tentim për ta transferuar futbolyllin e Brightonit, Moises Caicedo.

Jorginho është duke e kaluar vitin e fundit të kontratës me “Blues” dhe këta të fundit, për të mos e humbur pa para gjatë verës që vjen, vendosën ta shesin tash, njofton mediumi britanik “The Athletic”.

Përfaqësuesi brazilian do të nënshkruajë kontratë deri në verën e vitit 2024, me mundësi vazhdimi për një vit tjetër.

Ai do t’ju bashkohet në mesfushë Granit Xhakës dhe Thomas Parteyt, në tentim për ta fituar titullin e kampionit në Premierligë pas pritjes së gjatë.

Jorginho ishte transferuar në “Stamford Bridge” nga Napoli në vitin 2018 për 50 milionë funte.

Ai ka luajtur në 213 ndeshje për “Të Kaltrit” duke kontribuar me 29 gola dhe me 9 asistime.