Arrestohet një person për vjedhje, në Prishtinë

Një person është arrestuar gjatë së premtes, në Prishtinë, pasi i njëjti dyshohet për vjedhje të rëndë, shkruan GazetaDemos.

“Sot rreth orës 09:00, nga zyrtarët policorë të stacionit policor ‘Qendra’ në Prishtinë, është arrestuar një person, për të cilin ekziston dyshimi i arsyeshëm se është përfshirë në një rast të ‘vjedhjes së rëndë'”, thuhet në reagimin e Policisë.

Pas intervistimit nga Policia, i dyshuari i moshës 38 vjeçar, është dërguar në mbajtje.

“Pas një pune operative e hetimore, nga hetuesit është identifikuar dhe është arrestuar personi i dyshuar: B. B. mashkull 38 vjeç. Pas përfundimit të procedurave të nevojshme policore, me vendim të prokurorit, i njëjti është dërguar në qendrën e mbajtjes”, thuhet ndër të tjera.