Arrestohet një i dyshuar për keqpërdorim të pozitës zyrtare

Prokuroria Themelore në Prishtinë-Departamenti për Krime të Rënda, njofton se në bashkëpunim dhe në koordinim me hetuesit e Doganës së Kosovës, ka realizuar një aksion gjatë të cilit është arrestuar një person.

Ai dyshohet se kreu veprat penale ‘’Keqpërdorim i pozitës apo autoritet zyrtar’’ dhe ‘’Përvetësimi në detyrë’’.

Sipas Prokurorisë, personi i dyshuar është ndaluar me urdhër të Prokurorit të shtetit për 48 orë, ndërsa brenda afatit ligjor, do të parashtrojë kërkesë për caktimin e masës së paraburgimit ndaj të pandehurit.