Arrestohet në Rumani nën dyshimin për trafikim të qenieve njerëzore ylli i rrjeteve sociale, Andrew Tate

Ish-kikboksieri Andrew Tate është arrestuar në Rumani, së bashku me vëllain Tristan, si pjesë e një hetimi për trafikimin e qenieve njerëzore.

Ylli kontrovers i rrjeteve sociale, Tate, ishte sërish në lajme këtë javë për shkak të debatit në Twitter me aktivisten Greta Thunberg.

Sipas gazetës rumune “Libertatea”, shtëpia e vëllezërve u bastis të enjten, 29 dhjetor, në lidhje me rrëmbimin e dy vajzave.

Bastisja thuhet se është marrë nga DIICOT, Drejtoria për Hetimin e Krimit të Organizuar dhe Terrorizmit në Bukuresht.

Ata e përqendruan vëmendjen e tyre në dy vetura luksoze në rezidencë, përpara se dy vëllezërit të shiheshin nga shtypi rumun duke u arrestuar nga policia.