Arrestohet i dyshuari nga Shtimja, për dhunë ndaj bashkëshortes së tij

Gjykata Themelore në Ferizaj përmes një komunikate për media, ka bërë të ditur se të dyshuarit me inicialet R.SH, nga komuna e Shtimes i është caktuar masa e paraburgimit, pasi i njëjti me datë 19.12.2022 dyshohet se kishte ushtruar dhunë ndaj bashkëshortes së tij, duke mos e lejuar të shkojë në punë, shkruan GazetaDemos.

“I pandehuri me qëllim të cenimit të dinjitetit brenda një marrëdhënie familjare në vazhdimësi me dashje ushtron dhunë psikologjike ndaj të dëmtuarës bashkëshortes së tij – H.Sh., në atë mënyrë që derisa e dëmtuara ishte duke përgatitur për të shkuar në punë, i pandehuri fillimisht me një ton të lartë i thotë “nuk ki me shku në punë” dhe pastaj e ofendon me fjalë të rënda”, thuhet në komunikatën e Gjykatës.

Të dyshuarit i është caktuar masa e paraburgimit në kohëzgjatje prej një muaji.