Albanian
Croatian
English
French
German
Serbian
Turkish
Policia e Kosovës ka bërë të ditur se në kuadër të hetimeve për rastin e një vjedhjeje të rëndë të një veture BMW X-5, sot është arrestuar edhe një person i dyshuar.
Rasti ishte raportuar më 23 tetor 2024, rreth orës 21:10, në stacionin policor të Kaçanikut. Vetura ishte parkuar në rrugën magjistrale Kaçanik-Ferizaj, në afërsi të Kaçanikut, kur u vodh nga persona të panjohur.
Pas hetimeve intensive, më 17 janar 2025, policia arrestoi të dyshuarin e parë, P.L. (35 vjeç), me vendim të Prokurorit të Shtetit, duke e ndaluar për 48 orë për procedura të mëtejshme hetimore.
Në vazhdën e hetimeve, sot më 21 janar 2025, është arrestuar edhe një person tjetër i dyshuar, F.L. (28 vjeçe). Ajo u shoqërua në stacionin policor të Kaçanikut për intervistim dhe, me vendim të Prokurorit të Shtetit, është ndaluar gjithashtu për 48 orë.
Policia vijon hetimet për zbardhjen e plotë të rastit dhe për të identifikuar të gjitha palët e përfshira në këtë vjedhje.