Arrestohen tre persona të dyshuar për veprën penale ‘’Vjedhje e rëndë’’ në Skenderaj

Policia e Kosovës ka njoftuar se Hetuesit e Sektorit Rajonal të Hetimeve në Mitrovicën e Jugutkanë arrestuar tre persona të dyshuar për vjedhje të rëndë në Skenderaj, shkruan GazetaDemos.

“Hetuesit e Sektorit Rajonal të Hetimeve në Mitrovicën e Jugut, në vazhdimësi të hetimeve për zbardhjen e veprave penale, kanë arritur të identifikojnë dhe të arrestojnë tre persona të dyshuar për veprën penale  ‘vjedhje e rëndë’, rast ky i raportuar në Skenderaj.

Si rezultat i hetimeve të zhvilluara dhe dyshimeve të bazuara, hetuesit policorë gjatë  ditës  së  sotme në  tre lokacione  kanë  realizuar bastisje me ç’ rast kanë   arrestuar tre të dyshuarit H. H.,19., vjeçar,  E.G., 18 vjeçar dhe E.H., 43 vjeçar, të tre shtetas të Republikës së Kosovës, të njëjtit   dyshohen se me datën 18 gusht 2024, në katër shtëpi në fshatin Marinë të Skenderaj, kanë kryer veprën penale ‘vjedhje e rëndë’’. Gjatë bastisjes është sekuestruar një  armë  e gjatë  dhe dëshmi tjera relevante që  ndërlidhen me veprën penale.

Pas procedurave të intervistimit, tre të dyshuarve nga ana e prokurort u është shqiptuar masa e ndalimit për 48 orë”, thuhet në njoftimin e Policisë.