Armend Muja sulmon gjyqtarët, PDK-në e LDK-në: Ka koordinim dhe orkestrim politik për arrestimin e ministrave tanë

Deputeti i VV-së Armend Muja ka bërë akuza të rënda në drejtim të gjyqtarëve e partive politike, saktësisht ndaj PDK-së e LDK-së.

Ai ka shprehur bindjen e tij se ka koordinim dhe orkestrim politik për arrestimin e ministrave të tyre.

“Nga konferenca e djeshme e PDK-së dhe LDK-së u kuptua qartë: ka koordinim dhe orkestrim politik për arrestimin e ministrave tanë.

LDK, si gjithmonë, mbetet vegël e PDK-së. Jemi u përpjekur t’i largojmë nga kjo rrugë, por janë të pandashëm. U ftuan veçmas në takim, nuk erdhën pa PDK-në.

Skenari i njohur:

LDK dorëzon kallëzime penale, ndërsa gjyqtarët e PDK-së nxjerrin vendime dhe urdhëra.

Dita nisi me bllokadë në Kuvend dhe u shoqërua me kallëzime në Prokurori. Këta duan të rikthehen në pushtet përmes gjykatave, jo përmes qytetarëve. Por kjo nuk do të ndodhë!

Nëse nuk duan Kuvendin, atëherë le të shkojmë në zgjedhje! Mjaft është mjaft. Le të vendosin qytetarët për përbërjen e re të Kuvendit”.