Agjencia për Parandalimin e Korrupsionit -APK ka ftuar zyrtarët që obligohen me ligj, që ta bëjnë sa më parë deklarimin e pasurisë.
Ajo përmes një njoftimi ka bërë të ditur se deri më tani vetëm 14 % e zyrtarëve të lartë e kanë bërë deklarimin.
“685 zyrtarë, rreth 14.4 %, kanë dorëzuar deklarimin e pasurisë përmes platformës elektronike. 1059 zyrtarë, rreth 22.3 %, kanë filluar plotësimin e deklarimit të pasurisë. Deklarimi i rregullt i pasurisë ka filluar me 1 mars dhe përfundon me 31 Mars. Agjencia tashmë ka vënë në funksion deklarimin elektronik të pasurisë”, thuhet në një komunikatë të APK-së.