Anonymous u ofron ushtarëve rusë 50 mijë dollarë në bitcoin që të dorëzojnë tanket

Kolektivi i hakerëve Anonymous i cili ditë më parë i shpalli “luftë kibernetike” qeverisë së Vladimir Putinit, pasi ky i fundit ndërmori një pushtim të plotë të Ukrainës, tani raportohet se do të paguajë 52,000 dollarë në bitcoin për çdo automjet luftarak të dorëzuar rus.

Siç raportohet  Anonymous u ka ofruar trupave ruse pagesa në bitcoin për të dorëzuar tanket e tyre.

Pagesa përfshinë 52,000 dollarë në bitcoin për çdo automjet luftarak të dorëzuar.

Pala ukrainase është përpjekur të ndalojë pushtimin rus jo vetëm me armë dhe luftime të drejtpërdrejta, por edhe duke i goditur ato në mënyrë dixhitale.

Disa ditë më parë, zëvendëspresidenti i Ukrainës, Mykhailo Fedorov njoftoi se qeveria do të krijojë një ushtri  të IT.

“Ne kemi nevojë për talente dixhitale. Do të ketë detyra për të gjithë. Ne vazhdojmë të luftojmë në frontin kibernetik”, u shpreh ai.

Anonymous ka kryer gjithashtu disa sulme kibernetike në Rusi.