Albanian
Croatian
English
French
German
Serbian
Turkish
Carlo Ancelotti, i lumtur e i relaksuar, u paraqit në konferencë për shtyp pas triumfit në përballjen e dyfishtë me Manchester Cityn (3:2 e 3:1) në fazën e “play-off”-it në Ligën e Kampionëve.
Me këtë rast, Real Madridi e siguroi një biletë për në të tetën e finales së kësaj gare, shkruan “Gazeta Express”.
“Kemi luajtur mjaft mirë, një ndeshje komplete në nivelin defanziv, ofanziv, në tranzicion, në posedim… Doja që kështu të ndodhte, donim që t’i përsërisnim gjërat e mira që i bëmë në lojën e parë. Skuadra ishte mjaft kompakte dhe e bashkuar dhe kur e bën këtë, ngritet kualiteti”, deklaroi trajneri italian.
Në “Santiago Bernabeu” i shkëlqyeshëm ishte Kylian Mbappe, por trajneri italian preferoi të flasë për kolektivin, jo për individin.
“Të flasësh për individualitetin… të gjithë u dalluan. Kanë luajtur mirë Mendy, Rudiget, Valverde, edhe pse nuk ishte në 100%… të gjithë mirë. Ceballos? Mirë, mirë e gjithë skuadra. Kur skuadra funksionon, dalin në pah individët. Ishte një punë kolektive e kryer mirë. Kemi ende kohë”, vazhdoi “Don Carlo”.
“Dua t’ju them lojtarëve që ishte një lojë e mirë. Kundërshtari është gjithmonë i vështirë dhe e kemi sjell në shtëpi një rezultat të mirë pas dy ndeshjesh. Paraqitja më e mirë e sezonit? I përsëritëm gjërat e mira të bëra në lojën e parë. Po, e bëmë një lojë të kompletuar. Në sulm, në mbrojtje… Kualiteti është mjaft lartë. E kemi një kualitet ofanziv si kurrë më parë në vitet e fundit”, përfundoi Ancelotti.
“Kritikët? Është e vështirë t’i heshtësh kritikët, sepse nuk është e mundur t’i fitosh krejt ndeshjet. Do të ketë lojëra që nuk do të mund t’i fitojmë dhe kritikat nuk mund të ndalen.
“Mungesa e Haalandit? “Pa Haalandin, City humbet. Por, ne e nisëm mirë lojën duke shënuar gol.”
“Formati i ri i Championsit? Nuk është pozitive të arrish në të tetën e finales me 10 ndeshje. Nuk kemi dalë nga një moment i komplikuar, kemi hyrë në një moment të komplikuar, por është e vërtetë që në nivelin emotiv na ka bërë mirë.”