Ambasadori amerikan në Beograd, Anthony Godfrey ka komentuar zhvillimet e djeshme në veri dhe reagimet që pasuan.
“Ne po e ndjekim situatën në Mitrovicën Veriore me shumë kujdes. Kam parë deklaratat e Presidentit Vuçiq, kryeministres serbe Brnabiq, të Petar Petkoviqit dhe jam në kontakt me kolegët në Prishtinë, ambasadorët e Quintit këtu në Beograd. Të jeni të sigurtë që po bëjmë presion të fortë mbi Prishtinën dhe pres që njerëzit të marrin përgjegjësi për veprimet e tyre”, tha Goodfrey.
I pyetur nëse ishin të befasuar nga veprimi i policisë së Kosovës dhe nëse ai mendon se lëvizje të tilla parandalojnë çdo përparim në procesin e normalizimit të marrëdhënieve, ambasadori tha se në këtë moment nuk ka informacion të mjaftueshëm për incidentin e fundit.
“Ekzistojnë mundësi që duhet të shfrytëzohen për të bërë përparim. Sa më gjatë të shtyhen çështjet e pazgjidhura, aq më keq do të jenë gjërat”, tha ambasadori Godfrey për Novosti.