Aktivizohet i nxehti afrikan, kaq do të shkojnë tempraturat

Gjatë kësaj jave vendi ynë do të mbetet nën ndikimin e kushteve të qëndrueshme atmosferike, të paktën deri të premten.

Si rrjedhojë, deri atëherë, moti do të karakterizohet kryesisht me diell dhe me ngritje të temperaturave nga dita në ditë, si pasojë e fuqizimit të masave të nxehta nga Afrika Veriore.

Në ndërkohë, masa të lagështa dhe më të freskëta pritet të depërtojnë të shtunën, duke sjellë rrebeshe lokale shiu gjatë orëve të pasdites dhe mbrëmjes, të shoqëruara me shkarkesa rrufesh.

Situatë e ngjashme parashihet edhe të dielën, me rrebeshe lokale dhe shkarkesa rrufesh, ndërkohë që pritet edhe një ulje e përkohshme e temperaturave.

Era do të fryjë nga drejtime të ndryshme, ndërsa të shtunën herë pas here pritet të jetë mjaft e fuqishme, me shpejtësi prej 20-65 km/h.

Temperaturat minimale pritet të lëvizin prej 9 deri në 20°C, ndërsa ato maksimale prej 27 deri në 36°C. /MeteoKosova/