Aksion i Antidrogës në Gjilan: Arrestohet një person

Një aksion i Policisë së Kosovës i zhvilluar të mërkurën në një lokacion në Gjilan ka rezultuar me arrestimin e një personi të dyshuar për shitblerje dhe shpërndarje të drogës.

Policia ka bërë edhe sekuestrimin e një sasie të konsiderueshme të narkotikëve.

Sipas informacioneve nga Sinjali, Policia ka sekuestruar disa qese me marihuanë dhe peshore për matjen e narkotikëve.

I dyshuari është shoqëruar në stacion policor për intervistim, ku ka dhënë deklaratën e tij në lidhje me veprën me të cilën ngarkohet.

Me urdhër të Prokurorit të Shtetit, i njëjti është ndaluar për 48 orë, teksa veprimet tjera do të ndërmerren brenda afatit ligjor.