Aksidenti në Vitomiricë të Pejës, jep detaje Policia: 7 persona të lënduar

Shtatë persona kanë marrë lëndime trupore në një aksident trafiku mes dy veturave në Vitomiricë të Pejës.

Lajmin e ka konfirmuar zëdhënës në policinë rajonale të Pejës, Driton Rugova, i cili tha se të lënduarit janë dërguar për trajtim mjekësor.

“Sot rreth orës 17:25, Policia është njoftuar për një aksident trafiku i cili ka ndodhur në fshatin Vitomiricë-Pejë, në këtë aksident ishin të  involvuara dy vetura dhe si pasojë e aksidentit shtatë (7) persona kanë pësuar lendime trupore, të njejtit janë dërguar për tretman mjekësor”, thuhet në njoftim.