Aksidenti me fatalitet në Podujevë, arrestohet ngasësi i dyshuar

Është arrestuar personi i dyshuari për shkaktimin e aksidentit me fatalitet në fshatin Llapashticë të Podujevës.

Sipas raportit 24-orësh të Policisë, ngasësi i dyshuar është dërguar në mbajtje.

“Fsh. Llapashticë- Podujevë  19.12.2023 – 20:00.  Raportohet për një aksident trafiku në mes dy automjeteve me ngasë meshkuj kosovarë. Përveç dëmeve materiale, lëndim vdekje-prurës ka pësuar viktima mashkull kosovar (njëri nga drejtuesit), ndërsa lëndime trupore të rënda ka pasur një pasagjer mashkull kosovar i cili është dërguar në QKUK.  Me vendim të prokurorit trupi i pajetë i viktimës është dërguar në IML për obduksion ndërsa ngasësi tjetër i dyshuari është arrestuar dhe dërguar në mbajtje”, thuhet në raport.