Një aksident i rëndë mes një motoçiklete dhe një kamioni në Deçan, u bë shkak i vdekjes së një 21-vjeçari nga fshati Dubovik i Deçanit, shkruan GazetaDemos.
Adiat Gërvalla nuk arriti t’iu mbijetojë plagëve nga aksidenti, dhe si pasojë ai vdiq në QKUK.
Derisa varrimi i tij u bë ditën e mërkurë, në fshatin Dubovik.
Në ditën e varrimit, familja e tashmë të ndjerit i shtriu dorën e pajtimit, familjes Hamzaj nga Lubeniqi i Pejës.
Kështu ka njoftuar hoxhë Naser Tolaj.
Postimi i plotë:
FAMILJA GËRVALLA NGA DUBOVIKU I DEÇANIT I SHTRINË DORËN E PAJTIMIT FAMILJES HAMZAJ NGA LYBENIQI I PEJËS
Me 26 qershor 2023, në Llukë të Epërm në një aksident trafiku kishte humbur jetën i riu nga Duboviku i Deçanit Adiat (Jakup) Gërvalla.
Dje, në ditën e varrimit të tij, në ditën e madhe të Kurban Bajramit, Familja Gërvalla i shtriu dorën e pajtimit Familjes Hamzaj nga Lybeniqi i Pejës.
Akti i bacës Jakup Gërvalla dhe i Familjes Gërvalla për të i falur gjakun dhe për të i shtrire dorën e pajtimit Familjes Hamzaj, ishte një akt fetar e gjest moral e kombëtar, për çka e falënderoj bacën Jakup tejë mase, sepse siç thotë një fjalë e urtë popullore: “Burrat e mëdhenj falin”, dhe madje ky akt i faljes është edhe porosi profetike. Në lidhje me këtë, Pejgamberi Muhamed a.s., ka thënë: “Mëshironi ata që janë në tokë, që të ju mëshiroj ai që është në qiell”, që thotë se njerëzit e kanë për obligim që të kenë mëshire dhe me be falje për njeri tjetrin në mënyre që të përfitojnë nga mëshira dhe falja e Krijuesit të gjithësisë.
Po ashtu, duhet kujtuar edhe thënien tjetër të Muhamedit a.s,: “Nuk ka falënderuar Zotin, ai që nuk falënderon njërëzit”, për ketë në e falënderojmë edhe një herë bacën Jakup.
Familjes Gërvalla i jemi mirënjohës për aktin burrërorë dhe patriotik.
Lus të madhin Zot xh.sh., që raste të tilla të aksidenteve me fatalitet të mos kemi në mesin e populli tonë dhe askund në botë.
Lus Zotin e Madhërishëm që Familjen Gërvalla ta begatoj me të mirat e Tije në këtë botë dhe botën tjetër.
Shpirti i Adiatit u shpërbleftë me Xhehnnet.