Albanian
Croatian
English
French
German
Serbian
Turkish
Dy muaj më parë GazetaDemos ka raportuar për një aksident të rëndë në lagjen “Veternik” të kryeqytetit.
Një veturë në lëvizje do ta godiste një grua që po kalonte rrugën nga njëra anë në tjetrën, e që ajo goditje do të rezultonte me lëndime të rënda për të.
Por, kjo nuk do të jetë aksidenti i parë dhe as i fundit që ka ndodhur në atë zonë që nga shumë kush konsiderohet si një nga më të rrëzikshme sa i përket këmbësorëve që kalojnë në mëyrë jo të ligjshme aty.
Por këso fati nuk kishte edhe një person tjetër mbrëmjen e 21 nëntorit të vitit të kaluar ku, si pasojë e goditjes nga një veturë ndërroi jetë një femër.
Shkaktari i aksidentit është arrestuar nga policia pasi kishte goditur dy këmbësorë një femër dhe një mashkull, ku gruaja pas plagëve të marra nuk ka mundur të mbijetojë dhe si pasojë ka vdekur në QKUK.
Po dy këmbësorë janë lënduar edhe në aksidentin e 3 majit të po atij viti ku lokacioni ishte pothuaj i njejtë.
Një rast tjetër me fatalitet në këtë lagje ka ndodhur edhe më 27 dhjetor të 2018, ku këmbësori i cili u aksidentua kishte ndërruar jetë pas 5 ditësh. Policia kishte njoftuar se viktima i cili ishte duke u trajtuar në QKUK, si pasojë e lëndimeve të marra nga aksidenti ka vdekur duke mos u përballuar plagëve të marra nga aksidenti.
E rastet kur qytetarët kalojnë këtë pjesë të rrugës, e që lëvizja e makinave është mjaftë e shpeshtë janë jo të rralla edhe ditëve të sotit.
Në fotografitë e dërguara në redaksinë e GazetësDemos shihet se si një grup i disa personave kalonin rrugën, deri veturat që lëviznin janë në një distancë mjaftë të afërt me ta.
Deri sa në pritje për të kaluar po atë rrugë, shihet edhe një qytetar tjetër, që qëdronte i mbështetur në rrethojat që i ndanë dy kahjet e rrugës.
Policia e Kosovës në shumë raste ka marrur operacione operative ku ka gjobitur të gjithë shkelësit e trafikut e që në këtë rast kanë qenë këmbësorët gjatë kalimit të rrezikshëm të rrugës, kjo fushatë është ndërmarrë edhe gjatë muajve të kaluar.