Aksident tragjik në Çubrel, kryetari i Skenderajt: Lutemi për të aksidentuarit

Një aksident tragjik me fatalitet ka ndodhur sot në fshatin Çubrel, ku për pasojë një person ka humbur jetën, ndërsa disa të tjerë kanë mbetur të lënduar. Njëri prej të lënduarve raportohet në gjendje të rëndë dhe po lufton për jetën.

Në lidhje me këtë ngjarje të rëndë, kryetari i Skenderajt, Fadil Nura, ka shprehur ngushëllimet e tij për familjen e të ndjerit dhe ka shprehur solidaritet me të lënduarit, duke uruar për shërimin e tyre të shpejtë.

“Lutemi për të aksidentuarit, sidomos për atë që po lufton për jetën. Në këto çaste të rënda, i shprehim ngushëllimet më të sinqerta familjes së të ndjerit dhe të lënduarve iu dëshirojmë shërim të shpejtë,” ka shkruar kryetari Nura në një postim.