Aksident i rëndë mes dy veturave në autostradën “Ibrahim Rugova”, lëndohet një person

Një person ka mbetur i lënduar si pasojë e një aksidenti mes dy veturave që ka ndodhur sot në hyrje-dalje në Trudë, në autostradën “Ibrahim Rugova”.

Personi i lënduar është dërguar për trajtim mjekësor, ndërsa me rastin po merret policia.

Këto informacione i ka bërë të ditur zëdhënësi i Policisë së Kosovës, Baki Kelani.

“Me datën 07.02.2023 rreth orës 07:20 në Autostraden I.Rugova saktësisht në Hyrje-Dalje në fshatin Trudë, ka ndodhur aksident trafiku ku janë përfshirë dy vetura me tabela vendore. Si pasojë e këtij aksidenti është lënduar një person i cili është dërguar për tretman mjekësor. Rasti është duke u trajtuar nga Njësia e Hetimeve të aksidenteve në Njësinë për Kontrollin e Autostradave”, njoftoi ai.