Ahmeti zhvillon vizitë në Shalë: Qytetarët po na përkrahin e vlerësojnë punën dhe vizionin tonë për Lipjanin

Imri Ahmeti, kandidat i Lidhjes Demokratike të Kosovës për kryetar të Lipjanit edhe për një mandat tjetër, ka njoftuar se ka zhvilluar takime në Shalë, te familja Amerllahu.

Ahmeti ka thënë edhe  se qytetarët janë duke i dhënë përkrahje dhe po e vlerësojnë punën e vizionin e tyre për Lipjanin.

‘‘Takimet i vazhduam në Shalë, te një familje tjetër po ashtu e madhe, familja Amerllahu, e cila i dha mbështetje kandidate, Arlinda Amerllahu.

Po vazhdojmë të marrim përkrahje nga qytetarët që e vlerësojnë punën dhe vizionin tonë për Lipjanin. Shala na ka dhënë mbështetjen, dhe kur Shala e jep fjalën, e mban besën. Faleminderit Shala!

Gjithashtu, kërkuam mbështetjen për Arlindën si bijë e një ish-luftëtari të UÇK-së dhe një vajzë e shkolluar e e përgatitur për të marrë përgjegjësi në vendimmarrje”, ka shkruar ai.