Ahmeti shkon në Vrellën e Goleshit, diskuton me banorët rreth projekteve infrastrukturore: Është bërë shumë deri tani, dhe do bëhet edhe më shumë

Kreu aktual dhe kandidati i LDK-së për kryetar të Lipjanit, Imri Ahmeti ka vizituar sot Vrellën e Goleshit bashkë me kandidatin për asamble dr.Fitim Shala, shkruan GazetaDemos.

Ai njoftoi se në takim u diskutua për projektet madhore që janë realizuar në komunën e Lipjanit, duke dëgjuar edhe kërkesat e banorëve për projektet e ardhshme.

“Është bërë shumë deri tani, dhe do të bëhet edhe më shumë, vizioni ynë për 4 vitet e ardhshme po merr mbështetje kudo!”, shkruan Ahmeti në Facebook.

Bashkëngjitur janë edhe fotografitë nga takimi.

Postimi i plotë:

Kafen e mëngjesit sot në Vrellë të Goleshit, bashkë me kandidatin tonë për Asamble, dr. Fitim Shala.

Diskutuam për projektet e mëdha që janë realizuar në komunën e Lipjanit, si dhe dëgjuam kërkesat e banorëve për projekte të reja infrastrukturore.

Është bërë shumë deri tani, dhe do të bëhet edhe më shumë, vizioni ynë për 4 vitet e ardhshme po merr mbështetje kudo!